Услуги

20 жылдан ашык тажрыйбасы бар жогорку категориядагы дерматолог-онколог. Дерматолог-онколог сизди жогорку кесиптик деңгээлде кабыл алып, меңдерди, папилломаларды, липомаларды, фибромаларды, фибролипомаларды жана башка теридеги шишиктерди кылдат диагностикалайт.

Онкодерматология деген эмне?
Онкодерматология — бул негизинен теридеги түрдүү шишиктерди, анын ичинде онкологиялык жана онкологияга чейинки өзгөрүүлөрдү дарылоого багытталган медициналык тармак. Бул адистер рак менен гана алектенет деп ойлоо жаңылыштык. Онкологиялык жаңы түзүлүштөр — алардын ишинин бир гана бөлүгү. Дерматолог-онколог башка залалдуу жана залалсыз шишиктерди да аныктап, дарылоону жүргүзөт.

Кызмат көрсөтүү процесси:
• Теридеги залалдуу шишиктерди эрте аныктоо, дарылоо жана алдын алуу
• Тажрыйбалуу дерматолог-онколог теридеги оорулардын өнүгүшүнө бөгөт коюп, алардын ички органдарга жайылышын алдын алат
• Ар кандай теридеги шишиктерди алып салуу — сөзсүз түрдө алдын ала изилдөөлөрдөн кийин гана жүргүзүлөт
• Меңдерди, папилломаларды ж.б. түзүлүштөрдү алып салуу — жалаң гана медициналык борбордо, адистин консультациясынан кийин гана жасалышы керек
(Сулуулук салондорунда же медициналык билими жок адамдар тарабынан жасоо кооптуу)
“Авиценна” ММБда теридеги шишиктерди изилдөө үчүн дерматоскоп колдонулат. Зарыл болгон учурда алынган материал “Экспресс Плюс” лабораториясына гистологиялык анализге жөнөтүлөт.

Кимдерге дерматолог-онкологго кайрылуу сунушталат?
• Денеде көп сандагы меңдер болсо
• Чоң жана формасы, түсү өзгөргөн меңдер (диспластикалык невустар) болсо
• Туулганда эле пайда болгон чоң пигменттүү меңдер болсо
• Папилломавирус инфекциясы, өзгөчө онкогендик түрү аныкталса
• Пигменттүү ксеродерма (ДНКнын бузулушу менен байланыштуу оору)
• Күнгө көп тийсеңиз, пляжга көп барсаңыз же ысык өлкөлөргө саякат жасасаңыз
• Жакын туугандарыңызда меланома же теринин рагы болгон болсо

Көп берилген суроолор
Онкодерматолог кабыл алуу учурунда эмне кылат?
• Териңизди визуалдык текшерет
• Зарыл болсо соскоб же мазок алат
• Дарылоо жазат
• Дарылоонун жүрүшүндө көзөмөл жүргүзүп, керек учурда коррекция кылат

Онкодерматологдун кабыл алуусу кандай өтөт?
• Сизден симптомдор жөнүндө маалымат чогултат
• Жаңы пайда болгон шишиктерди, үй-бүлөлүк тарыхты сурап чыгат
• Терини, шишикти жана лимфа түйүндөрүн текшерет
• Так диагноз үчүн кошумча изилдөөлөр дайындалат

Онколог-дерматолог эмнелерди дарылайт?

1. Залалсыз шишиктер:
   • Атерома
   • Гемангиома
   • Лимфангиома
   • Липома
   • Фиброма
   • Папиллома
   • Күөрө
   • Меңдер (невус)
2. Залалдуу шишиктер:
   • Меланома
   • Базалиома
   • Саркома
   • Липосаркома
   • Фибросаркома
3. Рак алды абалдар:
   • Карылык кератомасы
   • Пигменттүү ксеродерма
   • Теринин мүйүзү (кожный рог)

Теринин рагынын белгилери:
• Жаңы түзүлүштөрдүн пайда болушу
• Меңдердин түсү, формасы, өлчөмү өзгөрүшү
• Узакка чейин айыкпаган жаралар жана жаракалар
• Шишик аймагында кычышуу, оорутуу, кан кетүү, сезгенүү
• Меңдин жаракат алышы

Чын эле меланома көбүнчө ачык терилүү жана ачык чачтуу адамдарда кездешеби?
Ооба, бул чындык. Коркунуч тобуна 50 жаштан жогорку адамдар жана 1-2-фенотипке ээ болгон адамдар (ачык тери, ачык чач, көк көз) кирет. Алар күндүн тийгишине жана күйүүгө көбүрөөк дуушар болушат.

Качан меңди алып салуу керек?
Эгерде мең шектүү болуп, формасы же түсү өзгөрүп жатса, сөзсүз биопсия жасалып, андан кийин гана анын алынышы туурабы же жокпу чечилет.

Бишкектеги “Авиценна” медициналык борборунда 20 жылдан ашык тажрыйбасы бар жогорку категориядагы дерматолог-онколог кабыл алат. Биздин адис териге байланышкан шишиктерди так изилдеп, туура дарылоо сунуштайт.